منتدى أحبة الخير
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا.

و إن لم تكن مسجلاً معنا,نتشرف بدعوتك لتسجيل وأنضمامك وان كونك زائر متصفح

يسعدنا زيارتك و وجودك ونتمنى لك ان تستمتع بما موجود من المواضيع المتنوعة وبالتوفيق لك




ملاحظة هامة / عند التسجيل يرجى الذهاب الى بريدك الاكتروني لتفعيل اشتراكك واذا كنت

لا تعرف او لم تصلك رسالة التفعيل انتظر حتى يتم تفعيل عضويتك من قبل المدير وشكرًا

منتدى أحبة الخير

منتدى اسلامى شامل يجمعنا الحب فى الله
 
الرئيسيةالبوابةاليوميةالتسجيلدخول
ماتيجوا ننضف بيتنا بالساعه زى الفليبينيات؟؟ وليه لا 97562610
نرحب بجميع الزوار و الاعضاء الكرام و ونتمنى لكم قضاء اجمل الاوقات معنا وباب التسجيل مفتوح للجميع تذكر قول الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }

شاطر
 

 ماتيجوا ننضف بيتنا بالساعه زى الفليبينيات؟؟ وليه لا

اذهب الى الأسفل 
كاتب الموضوعرسالة
فخوره بنقابى
عضو نشيط
عضو نشيط
فخوره بنقابى

انثى
عدد المشاركات : 131
عدد المواضيع : 189
تاريخ التسجيل : 18/07/2011

ماتيجوا ننضف بيتنا بالساعه زى الفليبينيات؟؟ وليه لا Empty
مُساهمةموضوع: ماتيجوا ننضف بيتنا بالساعه زى الفليبينيات؟؟ وليه لا   ماتيجوا ننضف بيتنا بالساعه زى الفليبينيات؟؟ وليه لا Emptyالخميس سبتمبر 29, 2011 10:43 am

العنوان خضكم صح انا عارفه.... انا عارفه
وانا قاصده.... انا قاصده
لاننا عاوزين حاجه جديده بجد حاجه مشجعه بقى
المواضيع هنا كثير والبنات الشاطره ماشاء الله مش مخلين فى جهدهم جهد علشان
يقولوا احلى الافكار علشان الكسلان يتغيرانا باناااااااام
وفيه مننا فعلا اتغير بجد الحمد للهيارب
وفيه مننا اللى بتعجب بالكلام قوى قوى وتتحمس جدا وتقول لا للكسل نعم للتغيرانا اتكلم انا انا اناانا اتكلم انا انا انا


وبعد شويه ساعه ساعتين الكسل يرجع تانى وتنسى كل حاجهمخاصماكيمخاصماكي
عارفين ليه علشان مافيش نظاملا ادريلا ادري

ممكن اسال سؤال احنا اتعلمنا ليه فيه مننا معاه شهاده متوسطه
وفيه اللى معاه شهاده عليا وفيه اللى معاه ماجيستير ودكتوراه كمان
وحياتنا ماشيه هلهلى صح ؟ صح؟ صح؟
ماتجاوبى منك ليها دا ممكن الفلاحه او الجاهله مماشيه بيتها احسن منك وعلى مايرام تصحى من البدريه تكنس بيتها وتهشه وتستنى مين هايخشه100 100

طيب كل واحده هاتقولى مشكلتى الاساسيه الصحيان بدرى عقده حياتىوااااع
اساسا سؤال ازاى مش بتصلى الفجر حاضر يامسلمه يامؤمنه منك ليها وراكى ايه
ليه ماتقوميش تصلى الفجر حاضر وتدعى ربك يعينك على شغل بيتكياربياربيارب

عارفين لو صحينا الفجر وصلينا كل حاجه هاتتظبط عندنا ويومنا هايبتدى ببركه مابعدها بركه
تانى حاجه كل ليله
تذكرى الله بنيه انه يعينك على شغل بيتك
سبحان الله(33)مره
الحمد لله(33)مره
الله اكبر(33)مره
الملايكه هاتنزل تساعدك وتعينك
سوره البقره ماتبعيديهاش عن ودانك انتى وولادك واهل بيتك كلها بركه وخير

خلصنا كده اول حاجه نبتدى بقى فى الشغل اللى بجد
هسألكم سؤال وبجد جاوبوا عليه
لو فيه حد عزيز عليكى قوى قوى اداكى خبر انه هيزورك بكره هاتعملى ايه بالله عليكى واحساسك هيبقى ايه؟؟؟؟؟؟؟؟
اولا هاتبقى مضايقه جدا جدا
ثانيا هاتبقى عامله زى النحله ومش هتنامى ولو نمتى هتنامى عدد ساعات بسيط جدا ونوم قلق كمان علشان تقومى تخلصى
الصالون علشان هايقعد فيه
الليفنج علشان ممكن يحب يشوف الماتش
الحمام طبعا لازم لو حابب يدخله والمطبخ لو كان قدام الحمام
واوضه الاولاد علشان لو حابب يتفرج عليها وهكذا وهكذا
وفعلا هاتخلصى الشقه فى عدد ساعات معدوده
طيب ليه ما يكنش ده منهجك
وديما مستعديه لاى ضيف بدام ربنا مديكى صحه ونعمه من عند ربنا (الحمد لله)

دى مقدمه بسيطه لموضوع مهم او زى ما انا شايفه انه مهم
هاتكلم عنه حالا


فاكرين ايام المذاكره والامتحانات
كنا نخلى حد من اهلنا يصحينا بعد ساعه او ساعتين من نومنا
وكمان ممكن نفضل طول الليل صاحين علشان ايه ده كله؟؟
علشان ننجح صح ونفرح اهلنا
طيب فاكرين كمان لو الماده كبيره قوى وعاوزينها تخلص كنا بنعمل ايه؟
كنا بنقسم الفصول على اليوم
ياعنى الفصل الاول هياخد منى ساعتين لازم لازم
والتانى ساعتين والثالث ساعتين
مش هاقوم من مكانى الا لما اخلصهم
وتفضلى تبصى فى الساعه
وتفرحى قوى لو خلصتيه فى الوقت او قبل الوقت وممكن تاخدى بريك
من نفسك تشربى شاى او تاكلى كيك او تقفى تشمى شويه هوى فى البلكونه
(انا عن نفسى كنت بذاكر فى البلكونه)
طيب لو فاتت الساعتين وماخلصتيش
بتتعكننى وبتسيبى الفصل وتروحى على اللى بعده وتقولى
احسن من مافيش
صح كلنا او معظمنا كنا بنعمل كده
كمان الميزانيه بنعمل ايه مش بنقسم الفلوس على الاربع اسابيع او على 3 عشرات
ياعنى كل 10 ايام هاصرف كام
ليه مانعملش كده فى تنضيف البيت
انا عارفه ان فكره الجدول بتاع التنضيف كثير عامله ولازقه على التلاجه او على الحيطه فى المطبخ كلام جميل جدا وانا معاه وبحى صاحبه الفكره
طيب ليه كمان ما نشتغلش بالساعه
مش الناس الهاى كلاس (اوعدنا يارب)
بيجيبوا خدامه فلبينيه وتقولهم الساعه بفلوس كذا
وهى بتتكلم بثقه علشان عارفه ان الساعه عندها مش لعبه هاتعمل فيها كل اللى مطلوب منها
حاضر هاوضح اكثر
نتكلم بشكل عملى اكثر
مثلا المطبخ وسخ ومش نضيف خالص وعاوزه اخلصه
النضافه العامه لازم تاخد منى وقت النهارده والنضافه الداخليه للضرف وغيره ممكن اجزئها على يومين
النضافه العامه زى البوتجاز
والمواعين والرخامه والارضيه
طيب فيه واحده تقولى دول بياخدوا منى اليوم كله
اقولها ليه بحق كتاب الله
هاتدخلى مثلا الساعه 9 الصبح حلو قوى الساعه 11 تخرجى منه
وده لو مطبخك وسخ قوى ياعنى والمواعين كوم
اظبطى المنبه ايوه تظبطى المنبه
وتتحركى فى اطار الوقت او الزمن المحدد وكانك فى مسابقه اسرع واحده تنضف المطبخ
بس من غير تهور لاحسن تكسرى حاجه وتدعى عليه
شغلى قران مش قنوات تانيه لان لو قناه تانيه كل ماتسمعى حاجه هاتجرى عليها
وتبصى شويه والشويه دول ممكن تكتشفى انهم ساعه
تقررى انك هاتخلصى قبل الوقت المحدد وصدقينى هاتخلصى وعن تجربه


نفس النظام بالنسبه للبيت كله
على حسب بيتك ومساحته وتقديرك ليه
بس من غير دلع ياعنى ماتكونش اوضه الليفنج وتقولى هاديها 4 ساعات
ازاى ياعنى ده اخرك هاتكنسى السجاده بالمكنسه
وتلمعى الخشب وبالزعافه هاتزعفى السقف
وتمسحى الحتت المكشوفه ولو فيه شباك هايتنضف باامنه الله
هى ساعه ماشى ساعه ونص علشان لو فى حد بطئ شويه
احسبى معايا كده
لو الليفنج ساعه ونص والصاله ساعه ونص
ادى 3 ساعات من الساعه 9 الصبح
هاتخلصيهم على 12 الضهر
هاتصلى الضهر وتدخلى على المطبخ ساعتين
يبقى لساعه 2 تبتدى فى الاكل
وممكن لو فيه فرصه بعد صلاه العصر نعمل اوضه الاولاد نديها ساعتين
من 3 ونص لحد 5 ونص
حلو قوى وناخد دش وممكن ننام ساعه او ساعتين
ونحمى الولاد ونظبطهم ونستقبل اى ضيف
وتانى يوم نعمل اوضه النوم والحمام ولو فيه صالون
الموضوع محتاج ياجماعه ترتيب
الساعه امشى بالساعه فى حياتك
شوفتى فى رمضان وانتى بتعملى الاكل كل شويه بتبصى فى الساعه ازاى
وبتعملى بتركيز وكمان صايمه
اعملى كده فى شغل البيت هاتفرق معاكى هاتتعبى شويه فى الاول وبعد كده هاتتبرمجى على النضافه وهاتبقى من ستات البيوت اللى بتقعد من بعد المغرب حطى رجل على رجل وما يهمهاش مين يخبط على بابها كله تمام
ومع بعض هانقسم البيت حته حته وننضف سوى وبالوقت

يابنات عاوزين نبص بصه كده على الشقه ونشوف هانبتدى بايه بس نضافه جامده
على حق علشان نحس بجد اننا عملنا حاجه
بالنسبه للى بيشتكى من تصرافت الزوج
معلش اول بأول نشيل وراه مجتش من خمس دقايق نشيل فيهم ومن غير تزمر وهو مره على مره
هيحس بكسوف ويحطهم مكان ما انتى بتحطيهم
بس خصصيلهم انتى مكان فى اوضه النوم علشان تشجيعه يحطهم فيه
زى الشماعه تكون ديما فاضه عليها مثلا روب
والايسدال وخلاص
جميل التفاعل اللى انا شيفاه انا بحمد ربنا
ان موضوعى لاقى استحسانكم تمام نبدا بكره بالمطبخ شروط لو اتبعتيها بجد هاتنجزى اخر حاجه
1- تصحى بدرى جدا
2-افطرى وانتى بتشوفى اخر ما وصلناله فى الموضوع يبقى فطار ونت حاجتين مع بعض
3- فكرى انك لازم تخلصى قبل الحر وقبل ما الولاد يصحوا ويعطلوكى
4-هنبتدى بالمطبخ باذن الله يبقى قبل ماندخل المطبخ نساوى الشقه من على الوش نص ساعه مش كثير
5- تلميع على السريع تشيلى اى حاجه تحطيها فى مكانها تحطى غسله فى الغساله
6- وده لسبب واحد ان لو الباب خبط ماتكونيش مرتبكه ومشس هاينفع نقول للى بيخبط معلش بنضف المطبخ

بالنسبه للمطبخ قسميه حسب راحتك وعدد الضرف
هاتى اى حاجه محتاجه تتنقع علشان تدوب الزيوت منها وانقعيها
زى ايه
(مروحه الشفاط والهيكل,عيون البوتجاز, اكسسوارات المطبخ زى فروع الفواكه والخضار تحف , طقم التوابل,,,,,,,,,الخ)
دى اول حاجه تتعمل علشان لما تخلصى ماتخيش وقت فيهم ومسحه بسيطه تلاقيهم نضفوا
طبعا كثير مننا عارف ايه الخلطه اللى هاننقعهم فيها
خل ملح لمون بيكربونات الصوديوم شويه بيريل
تمام
نيجى على الضرف ما نطلعش كله مع بعضه علشان لو فيه ظرف لاقدر الله حصل فجأه نقدر نلملم الموضوع بسرعه ضرفه ضرفه
تخرج اللى فيها نشيل المفرش البلاستيك نمسحه ونمسح الضرفه من بره وجوه ونعيد رص الحاجات مره تانيه
مهم جدا تزعيف المطبخ
كمان نمسحه من فوق ونفرشه جرايد او ورق اصدير ان تواجد وتوفر
ممكن نعمل التزعيف ومسحه من فوق وكام ضرفه ونكمل بعد بكره على حسب مساحه مطبخك وسرعتك فى الشغل

هابتدى بتانى نقطه

بصوا ياحبايب قلبى والدتى علمتى شئ وخليته حلقه بودنى
فى اسس ومبادئ فى فتح الشباك او البلكونه
طبعا فى واحده هاتقولى ازاى ده حتى دى ليها نظام اقولك ايوه ليها نظام
فيه واحده طول النهار فاتحه الشبابيك وتقول اصلنا فى الصيف ولازم اهوى الشقه علشان الحر والكمكمه
اقولها هدفك جميل وصح بس اسلوبك غلط غلط غلط
فى اوقات معينه تقدرى تفتحى فيها الشبابيك
زى الصبح بدرى الساعه 7 الصبح مثلاقدامك لحد قبل الضهر وتقومى قافله شيش وزجاج ايوه كله ماتسيبيش حاجه
هوى الصبح نقى دخل الشقه هواها وخرج اى ريحه مش مستحبه
لكن من بعد الساعه 11 او لحد الضهر بعد كده اولا مش هتستفادى حاجه خالص هاتدخلك غير تارب الشارع وحركه العربيات والناس
تانى حاجه هاتدخلى الحر والصهد
يبقى الشباك يفضل مقفول لحد ما الدنيا تغيب على المغرب كده تطفى المراوح تريحها وتقومى تفتحى الشابك
ايه راحه فين منك ليها راحه تفتحى الشباك كده عادى ؟؟؟؟
لا طبعا تاخدى معاكى حته مبلوله معصوره كويس جدا جدا جدا منديه ياعنى
وحته تانيه ناشفه
الناشفه تهفى الشيش والشباك هاكل
والمنديه للسلك من جوه ومن بره
وده مفي جدا علشان الستاره بتاعتك بجد لو ديما شباكك نضيف الستاره مش هاتتوسخ بسرعه لان الشباك بيحوش التراب بتاع الشارع زى السفنجه لو اكتفى الباقى هايدخله على الستاره
تمام كده فى فتح الشباكقبل ماتنامى تقفلى الشابك تانى ممكن تسيبى السلك لو الدنيا حر قوى وفى الوقت ده اول ماتقومى تلمعى والله التلميع مش بياخد حاجه

طيب لو قفلتيه قبل النوم بالمره هاتى الحته ولمعى كل الاثاث ونامى والشقه فله
بسم الله الرحمن الرحيم
السلام عليكم ورحمه الله وبركاته
وحشتونى جميعا والله العظيم وديما ببالى لما اخد حاجه فى الشقه علشان اروقها
لكن اعذرونى بانشغالى عنكم بس لانى فعلا مشغوله بالبيت
ملاحظه ان كل اللى بيدخل بيتكلم فى نقطه واحده الاولاد وشقاوتهم وانكم لما بتروقوا حته بترجع تتبهدل
اولا اوضه نومك ولو فيه صالون او سفره فى اوضه منفصله دول يتروقوا والاوضه تتقفل
ولازم يعرفوا كده ان دى اماكن فيها حظر تجول ممنوع الدخول فيها
يبقى اول نقطه1_ الاوضه اللى تنضف تتقفل بالباب وننبه محدش يدخل
2- نعمل مكان ثابت للاكل زى الناس بره حتى لو محناش متجمعين على اكل واحد يبقى معروف ان ده مكان الاكل وبسسس
3- نعلمهم لما نرجع من بره نحط الشربات الوسخه والهدوم الوسخه فى سبت الغسيل
ويبقى فيه عقاب وصارم انهم لو ماعملوش كده مش هيلاقوا هدوم نضيفه ليهم بعد فتره
4- نصحى من النوم نساوى السرير بتاعنا حتى ولو على قدهم بس يساووه
5- لما يلعبوا يلموا لعبهم تانى فى المكان المخصص لده ومافيش نوم غير لما ده يحصل
(ياجماعه احنا مش بس بنخليهم يساعدونا لا احنا بنأسسهم على التربيه النظيفه الصحيحه)
طيب لو اولادنا اصغر من انهم يعملوا كده
1- ديما اشيل اى حاجه ممكن تكون فى متناول اديهم ياعنى شربت فى كوبايه جنبى على التربيزه او الكموديونا اقوم اشيلها فورا
حفاظا على الكوبايه وعلى سلامته هو شخصيا وكمان اختصار ياعنى بدل ما كنت مكسله اشيل الكوبايه فى ثانيه هالم الزجاج المكسور فى دقايق
2- مافيش مشكله لما اكل ابنى الاول وبعين اقوم اشوف ايه ورايا
ياعنى ماقولش اصلى مش فاضيه وتديله بأيده ماهو بعدها هاتقعدى يجى ساعه تنضفى وتلمى الفتافيت وغيره من على السجاجيد ومش بعيد هدومه كمان تبقى محتاجه تتغير
3- الادويه ديما بعيده مش محتاجه كلام
4- ديما نستغل نومهم اننا نشتغل مش نجرى نقعد على فتكات ولما يصحوا نقول هانقوم بقى نشتغل ونسيبهم ده حتى حرام ابنك ليه حق عليكى تلعبى معاه

منقووول
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تراتيل
عضو فعال
عضو فعال
تراتيل

انثى
عدد المشاركات : 75
عدد المواضيع : 92
تاريخ التسجيل : 30/10/2011

ماتيجوا ننضف بيتنا بالساعه زى الفليبينيات؟؟ وليه لا Empty
مُساهمةموضوع: رد: ماتيجوا ننضف بيتنا بالساعه زى الفليبينيات؟؟ وليه لا   ماتيجوا ننضف بيتنا بالساعه زى الفليبينيات؟؟ وليه لا Emptyالأحد أكتوبر 30, 2011 5:16 am

جزاكِ الله خيرا ونفع بكِ

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ماتيجوا ننضف بيتنا بالساعه زى الفليبينيات؟؟ وليه لا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحبة الخير :: قسم الأسرة المسلمة :: الديكور المنزلي :: ركن التنظيف والترتيب-
انتقل الى: