منتدى أحبة الخير
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا.

و إن لم تكن مسجلاً معنا,نتشرف بدعوتك لتسجيل وأنضمامك وان كونك زائر متصفح

يسعدنا زيارتك و وجودك ونتمنى لك ان تستمتع بما موجود من المواضيع المتنوعة وبالتوفيق لك




ملاحظة هامة / عند التسجيل يرجى الذهاب الى بريدك الاكتروني لتفعيل اشتراكك واذا كنت

لا تعرف او لم تصلك رسالة التفعيل انتظر حتى يتم تفعيل عضويتك من قبل المدير وشكرًا

منتدى أحبة الخير

منتدى اسلامى شامل يجمعنا الحب فى الله
 
الرئيسيةالبوابةاليوميةالتسجيلدخول
تنظيف الحمام والمطبخ بالتفصيل 97562610
نرحب بجميع الزوار و الاعضاء الكرام و ونتمنى لكم قضاء اجمل الاوقات معنا وباب التسجيل مفتوح للجميع تذكر قول الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }

شاطر
 

 تنظيف الحمام والمطبخ بالتفصيل

اذهب الى الأسفل 
كاتب الموضوعرسالة
فخوره بنقابى
عضو نشيط
عضو نشيط
فخوره بنقابى

انثى
عدد المشاركات : 131
عدد المواضيع : 189
تاريخ التسجيل : 18/07/2011

تنظيف الحمام والمطبخ بالتفصيل Empty
مُساهمةموضوع: تنظيف الحمام والمطبخ بالتفصيل   تنظيف الحمام والمطبخ بالتفصيل Emptyالجمعة سبتمبر 30, 2011 8:52 am

تنظيف الحمام

بسم الله ولا قوة الا بالله.
أنا موش باحرضك على الكسل أو الأهمال لاسمح الله.
بس أنا عايزه اساعدك بجد. أنا عايزه أكد على نقطة مهمه جدا لما نعمل اى حاجه أول بأول فعلا بيسهل علينا حاجات كتير أوى .
أنا موش عايزه أرغى كتير ونبدأ فى المهم.
ليه بنرتبك لما يجى لنا ضيوف أو نقرب على موسم معين رمضان عيد عزومه . كى لا يحدث ذلك علينا بالاتى:-
خلينا نبدأ بأهم جزء فى المنزل ألا وهو الحمااااااااااااااااااام فى بيوت كتير يحصل فيها حالة طوارىء لو ضيف استأذن علشان يدخل الحمام تلاقى اللى جرى يميين واللا جرى شمال كل ده علشان احنا ماعندناش اسلوب ثابت لحياتنا .
أولا ياريت نبدأمع بعض كل واحده تدخل حمامها وتسأل نفسها سؤال هل ممكن حد غريب فى هذه اللحظه يدخل الحمام وماكونش محرجه سواء من عد النظافه او من الأشياا الموضوعه فى الحمام على أساس أنه جزء مهمل فى البيت .
ماعلينا خالينا نبدأ بالحل .
النهارده برنامج اليوم الحمام فقط كل سم فيه لازم يكون زى الفل أنا عايزه أأكد على شىء مهم بلاش نربط بين النظافه والفخامه يعنى ممكن بأقل الأمكانيات اخلى المكان اللى انا عايشه فى جنه.
بعد مانظفنا الحمام ياريت الحاجات اللى انا شيلتها وأنا بأنظف بلاش أرجعها تانى الحمام بلاش الشماعه اللى ورااء الباب عليها اشى حاجه تخص أبو العيال على حاجه تخص ام العيا على حاجه تخص العيال نفسم المنظر موش حلو حتى للناس اللى عايشين فى البيت .

باسكت الغسيل ياريت يكون شكله حلو ويوضع فى مكان لايراه اى شخص غريب .
بلاش فوطه واحده البيت كله يستخدمها ونحطها على الحبل تنشف ونرجع نستخدمها تانى كل فرد من أفراد البيت له فوطه مستقله وكل يوم أغير الفوط كل فرد يكون له ليفه لواحده وممكن توضع بشكل جميل يسمح يتهويتها علشان البكتيريا وكل فتره تتغير.
نظفنا الحمام وشيلنا الكراكيب وأوعى تنسى شباك الحمام ياجماعة الشبك أهم حاجه ده من بره عنوان بيتك ومن جوه يمنع دخول الاتربه الموجوده عليها مع اى شوية هواء الى المكان مره أخرى. اوعوا تكونوا تعتبتوا ده احنا لسه يادوبك فى الحمام ولم ننتهى بعد . ياريت الشغلانه دى تعمليها كل شهرماتستغربيش لان كل يوم الحمام ده أساسى كل يوووووووووووووم شوفى الوقت الىلى يناسبك بالليل لو كنتى موظفه أصبح بعد مايخرج جوزك يالسلامه الحوض والبانيو والتواليت لازم يتغسلوا كويس وتخصصى لهم سفنجه معينه وزى ماأنتى عايزه استعملى اى مواد تنظيف المهم كل يوم .
استنى رايحه فين أنا لسه ماخلصتش لازم يكون فى الحمام زجاجه زى بتاعى الجلانس حطى فيها شوية كلو وشويه ديتول وشوية ميه بنسب متساويه وكل ماتدخلى الحمام وتلاقى حد استخدم الحمام وخصوصا اذا كان فى صبيان وطبعا جوزك ترشى قاعدة التوليت والجزء اللى تحت القاعده بهذا المحلول وتنشفيها هتفضل ريحة حمامك طول النهار زى الفل .
لازم يكون فوق الكومبينيشن فوطه صغيره وكل أفراد الأسرة يتعودا ان ماينفعش يستعمل الحمام ويكون على القاعده نقط بول (سورى)أنا باشوف المنظر ده كتير فى الأماكن العامه تبقى اللى خارجه من الحمام مافيش حاجه موش عاملها فى نفسها آخر شياكه وأدخل الاقيها مهانش عليها تنشف والقاعده علشان هى فى بيتها ماتعوديتش على كده.أوعى تملى ولا تزهقى صدقينى أنا والحمد لله عمرى ماحسيت بالربكه اللى الستات كلها بتكون فيها نتيجه المواقف دى لما بيكون ده السلوك العادى لكى بترتاحى.
تفتكرة بعد مانعمل كل ده هاتحتاجى ليلة رمضان وليلة العيد ولما يكون عندك عزومه ولما يجى ضيف فجأة ويدخل الحمام هاتتكسفى مأظنش . أجعلى من حمامك غرفه أساسيه فى البيت نظافه ورائحه عطره طوال اليوم بأقل القليا من المجهود.
وأراكم فى ركن آخر من أركان البيت.


تنظيف المطبخ
طيب ايه رأيكم نكمل ماهو البيت موش حمام بس . المطببببببببببببخ .
وده بنفس درجة الأهميه بتاعة الحمام.
ذات نفس الشىء آخر ومايكونش فى اليوم ده عندى أى حاجه تانيه أعملها فى البيت تفرغ تام للمطبخ ويكون عندى اكل يعنى نظافه بس.
أمسك المطبخ سيراميك وخشب وشبابيك أنظفه من فوق لتحت يبقى زى الفل ... أريح كام يوم كده موش كتير واركز على الضلف والادراج درج درج وضلفه ضلفه أفضى اللى فيها واللى محتاجه أخليه والعكس على الزباله على طول من غير ماتفكرى .
تراجعى الحللل والاوانى فيه حاجات والله استعمالها بيجيب أضرار لا حصلر لها بعد الشر بدل ماتصرفى فلوس على الدكاتره والأدويه من غير لازمه وأنتى موش عارفه ان الطبخه الفلانيه الشهيه اللى اكلوا صوابعهم وراها عادت لاقدر الله بمشاكل الله الغنى عنها كل ده بسبب الاوانى التى لاتصلح للأستخدام الآدمى الحلل الألومنيوم مثلا......... الأوانى التيفال بعد ان اتقشرت.........الحله الى بنقلى فيها البطاطس أنا موش عارفه ليه ستات كتيير متخيله ان الحله دى موش لازم تكون نظيفه يعنى تلاقى الحله زاد وزنها عن اليوم اللى اشتريتيها فيه أربع مرات من كتر الهون المحروقه اللى لازقه فيها موش عارفه ان الابخره واعادة نزول هذا المواد مع الزيت والحراره بيسبب أمراض والعياذ بالله. وبعدين علشان خاطر اسرتك اللى امانه فى رقبتك ياريت الزيت كفايه عليه حرق ويتغير انا بأقولها وأنا مكسوفه بالكتير أوى تلات مرات.
خلصتى ورصيتة الحاجه مكانها بعد تهوية الضلف وفرشتى ورق جميل فى الرف .
حذذذذذذذذذذذذذذارى ثم حذارى من انك تضعى اى مواعين فى الضلف بدون تنشيف .
لأن الأماكن الرتبه هى بيئة مناسبه أوى للحشرات كفانا وأياكم شرها.
عايزه أقول حاجه بمناسبة الصراصير قرأت فى منتديات كتير ومنها منتدانا ان فيه ستات بتصرخ وتقول الصرصار كيف أتخلص منه موش فاهمه أن وجود الصرصار يساوى عدم نظافه .
بلاش نسيب مواعين فى الحوض بالليل وأنام بلاش كل واحد فى ايده سندوتش يفضل رايح جاى بيه فى البيت فى مكان للآكل زى ماأقلت موش بنتكلم عن السفره والا غيره ياستى لو مافيش مكان معين وعندى أطفال أفرش ملاية نظبفه ونقعد نأكل عليها وبعدين تتشال تتنفض بس بلاش فوق غسيل الجيران .
علشان دى سلوكيات موش حلوه .
خلصتى خدى راحه يومين كمان أوعى تكونى بتأخدى راحه خاللى بالك انتى أصلا كل يوم فى ثوابت بتتعمل .
أكيد عارفها احنا موش هانتكلم عليها دلوقتى .
أخدتى راحه تعالى نكمل الثلاجه والفريزر ان وجد ده برضه مره فى الشهر.
على فكرة هاأقولك على فكرة حلوة حتى لنفسك هذا الجدول فى مفكرة مع بداية كل شهر وكل اللى تنفذيه أشطبى عليه.
نرجع مرجوعنا البوتاجاز ده حوار تانى خالص لازم يكون دايما زى القشطه وعلى فكره البلاوى اللى بتكون على البوتاجاز طبعا موش بوتاجاز منتدى فتككككككككات ده بوناجاز الناس الوحشين ده بيكون من أسباب وجود الصراصير .
فاضل ايه خلاص ولا حاجه .
تعالى للبرنامج اليومى بتاع المطبخ اللى هو زى برنامج الحمام كل وم الصبح أعانك الله بعد ماطيور البيت المغرده تروم لحالها هاتوقفى تشطبى المواعين وتخرجى حاجة الغداء من الفريز وتكونى فى هذا الاثناء فطرتى واخدتى الشاى بتاعك وعملتى دماغ .
توقفى بعون الله تخلص الغداء وماتنسيش وانتى واقفه كل ماحاجه تتوسخ اغسلها أول بأول.
طفيت على الأكل أنظف البوتاجاز.
وهأقولك على حاجه جميله أوى شويى ديتول مركزيين ملء الغطاا وأوزعهم على البوتاجاز وأمسح بفوطه صغيره هاتلاقيه زى البنور وريحته حلوى ولاأجدعها صرصار يقدر يهوب ناحيته .
فى حاجه فوط المطبخ بلاش الحاجات الغريبه الللا احنا بنستخدمها وبتبقى ريحتها وحشه علشان احنا بنتعامل معها على انها فوطة مطبخ وبتكون مليانه بكتيريا وحات موش حلوه المفروض فوط مخصصه وماخليهاش من (سورى) الوساخه توصل لمرحلة الرمى أحسن لأ كل يوم ألم الفوط بتاعة المطبخ وشوية مسحوق ومايه دافيه واغسلهم بلاش ياستى لو ربنا كرمك شويه وعندك كم كل كام يوم جمعيهم وفى الغساله يبقوا زى الفل.
خلصتى البوتاجاز شويه كلور صغننين وشويه ديتول صغننين وشويى ميه موش صغننين على البلاط وتجيبى فوطه البلاط النظييييييييييييفه دايما تحوطيها على الممسحه وتنشفى الارض . وكلمينى على أحساسك بالراحه والانتعاش وهو مطبخ بالنظافه دى. والى لقاا آخر ان شاء الله على رأى الله يمسيه بالخير مصطفى محمود.



بصى ياستى باقى الشقه بنفس أهمية الحمام والمطبخ.
بدل ماتقسمى الشقه حجرات وتقولى الى باعمله النهارده بيرجع يتوسخ أو يتبهدل .
ده لو اتعمل مظبوط موش هاتقولى كده .
اللى بيرجع تانى ده الشغل اليومى ولازم تقتنعى ان كل حاجه فى الدنيا محتاجه متابعه علشان تفضل حلوة.
فى نظافه بعمق وبضمير شويه ومره على مره هاتلاقى الموضوع سهل. بجددددددددددددددد بجددددددددددددد أنا عمرى ماجاء عليا رمضان ولا عيد وأنا قالبه الدنيا زى باقى الستات .
اتا بيكون يومى عادى جدا علشان الاسلوب اللى انا ماشيه عليه. المهههههههههههههههههم.
قسمى الشقه بنود وليست حجرات وياريت يكون ده مكتوب فى ورقه . بند السقف والحوائط تنظف من عتكبوت ان وجد والحوائط مش لازم ابهدل الدنيا يعنى كفايه بسفنجه بشوية مسحوق وأمر على الأماكن المعرضه للأتساخ يعنى اذا كان عندنا أطفال فالحوائط المعرضه للاتساخ فقط.
الأماكن الى حوالين مفاتيح الكهربا بس خاللى بالك. وأنشف بعد كدة بفوطة معصوره أوى.
انا موش عاوزه أثقل عليكى اكتر من كده علشان زى مااتفقنا انتى عندك حاجات كتير يوميه جنب الكلام ده .
يوم تانى لفى على شبابيك البيت كله وياريت ياجماعه مانهملش موضوع الشبابيك دى انا باستغرب ازاى ممكن اشوف شباك وسخ وتبقى الشقه من جوه نظيفة ازاااااااااى انا موش عارفه المهم ماعلينا اذا أمكن تكى الشباك وتغسليه فى الحمام يبقى جميل وأهم حاجه يتنشف كويس علشان الخشب مايبوظش ومع السبابيك بالمره أبواب الأود تتصبن وتتنشف كويس أوى وخصوص عند المقابض والحلوق من فوق .
أنا علشان أختبر نفسى من وقت للتانى أشب كده علشان انا موش طويله وأشوف حلق الباب من فوق فيه تراب والا لأ.
أنا عايزه أأكد على حاجه كل اللى انا باتكلم فيه ده انتى بتوزعيه على مدار الشهر علشان ماتتعبيش.
تعالى نشوف الستاير حطى لنفسك سيستم فى موضوع الستاير ده عايزه تعملى كل موسم صيف أو شتاء .
عايزه تعمليه على الأعياد .
الوقت الى يناسبك المهم زى ماقلت مايجيس أى موسم علينا وأحنا مخلعين علشان سيبنا كل اللى المفروض نعمله كل شهر ركزناها فى وقت واحد .
حرام علينا نفسنا وأزواجنا اللى بيكون العيد عنده كركبه وميه وصابون وست بعد ده كله متكومه من كتر التعب.



الصالون والأنتريه والسفره.
(موش ملاحظين ان كل مانروح لاى ركن فى البيت أقول اهم مكان فى البيت) أنا بصراحه قاصده كده لأن مافيش ركن ولا سم فى البيت أقل أو أهم من الآخر.
كله على نفس الدرجه من الاهميه... ياللا نبتدى باسم الله.
كراسى الانتريه والصالون والسفره. تشفطيها كويس بالمكنسه الكهربائيه ومعاها الفرشاه الصغيرعلشان الأركان الضيقه.
بعد كده شويه ميه عليهم نقطتين صابون(بصراح أنا بأستعمل شامبو مخصوص لللأنتريه وشامبو للسجاد) بس اى حاجه بتؤدى المهمه .
ونجيب فوطة حجمها صغير يعنى مقاس فوط التواليت علشان تعرفى تملكيها وأبلها فى هذا المسحوق وأعصرها كويس وأدعك قماش الكرسى بس خليكى حريصه وعلى حسب نوعية القماش علشان مايتقطعش.
المهم فوطه تانيه وتكون ميه بس وأعصرها كويس وأعمل نفس الموضوع أدعك الكرسى علشان الصابون مايسبش أثر.
معلهش استحملينى فوطه كمان جافه وأعيد على الكرسى علشان أمتص أى ميه موجوده.
ولوالشباك يكون مفتوح علشان الكراسى تتهوى. وأبقى قوليلى الميه أصبح لونها ايههههههههههه؟....

الخطوة اللى بعد كده بالبليدج وتلمعى الايدى الخشب كويس .
اذا كان الكراسى فيها اويما وبتلم تراب.
قبل ماتعملى القماش هاتى فرشاه أسنان قديمه ونظفى النتؤات اللى فى الخشب وبعد كده أعمليها بالبليدج.
منقووول للفائدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور الهدى
مؤسس المنتدى
مؤسس المنتدى
نور الهدى

انثى
عدد المشاركات : 1086
عدد المواضيع : 628
تاريخ التسجيل : 14/07/2011

تنظيف الحمام والمطبخ بالتفصيل Empty
مُساهمةموضوع: رد: تنظيف الحمام والمطبخ بالتفصيل   تنظيف الحمام والمطبخ بالتفصيل Emptyالأحد أكتوبر 02, 2011 9:55 am

احسنتي ع الموضوع الحلو
تسلم يدك




[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahebt-elkher1.forumegypt.net
لؤلؤة الدعوة
مشرفة
مشرفة


انثى
عدد المشاركات : 209
عدد المواضيع : 300
تاريخ التسجيل : 29/07/2011

تنظيف الحمام والمطبخ بالتفصيل Empty
مُساهمةموضوع: رد: تنظيف الحمام والمطبخ بالتفصيل   تنظيف الحمام والمطبخ بالتفصيل Emptyالجمعة أكتوبر 14, 2011 12:17 am

روعه mi
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تنظيف الحمام والمطبخ بالتفصيل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحبة الخير :: قسم الأسرة المسلمة :: الديكور المنزلي :: ركن التنظيف والترتيب-
انتقل الى: