منتدى أحبة الخير
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا.

و إن لم تكن مسجلاً معنا,نتشرف بدعوتك لتسجيل وأنضمامك وان كونك زائر متصفح

يسعدنا زيارتك و وجودك ونتمنى لك ان تستمتع بما موجود من المواضيع المتنوعة وبالتوفيق لك




ملاحظة هامة / عند التسجيل يرجى الذهاب الى بريدك الاكتروني لتفعيل اشتراكك واذا كنت

لا تعرف او لم تصلك رسالة التفعيل انتظر حتى يتم تفعيل عضويتك من قبل المدير وشكرًا

منتدى أحبة الخير

منتدى اسلامى شامل يجمعنا الحب فى الله
 
الرئيسيةالبوابةاليوميةالتسجيلدخول
نرحب بجميع الزوار و الاعضاء الكرام و ونتمنى لكم قضاء اجمل الاوقات معنا وباب التسجيل مفتوح للجميع تذكر قول الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }

شاطر | 
 

 تنظيف الحمام والمطبخ

اذهب الى الأسفل 
كاتب الموضوعرسالة
أمة الله
عضوهام
عضوهام
avatar

انثى
عدد المشاركات : 233
عدد المواضيع : 342
تاريخ التسجيل : 29/07/2011

مُساهمةموضوع: تنظيف الحمام والمطبخ   الأحد أكتوبر 09, 2011 8:32 am

الحمام طبعا علامه للبيت كله ايوه
وكمان ماما كانت تقولى ان الست الشاطره بتتعرف من نضافه حمامها ومطبخها
عارفين ليه؟؟؟ لان الكل بينضف الى على الوش او الى ممكن يشوفه الناس زى الانتريه او السفره او باقى الاماكن الى ممكن يدخلها الاغراب
اما الحمام والمطبخ بيدلو على نظام الست اليومى فى البيت يعنى هى بتشيل الى على الوش ولا نضيفه بجد
اسفه للاطاله بس كان لازم اوضح
انا بشوف ناس اول لما حد يدخلو الحمام (اعزكم الله)تجرى تقفل الباب من الروائح والمناظر؟؟؟؟؟؟
انا واللهى بحب افتح باب الحمام من جمال ريحته وعلشان يعطر المكان حوليه
وكمان اى حد يجينى فجاه ويدخل الحمام يسالنى على سر نضافته وماما لما زارتنى قالتى بجد حمامك جميل ونضيف جدا
فلازم لازم يكون نضافه الحمام يوميه مش سنويه ندخل فى التفاصيل
اولا زعفت الحيطه كويس وتخلى بالك من الذخانيق وتخلى حد بنتك او اى حد يبص على الحيطه بعد لما تزعفيها لان سعات بيفوتك حجات وتلاقى العنكبوت عشش وهو طبعا دليل على ان البيت مهجور مش بس مش نضيف
المهم زعفته وخرجت كل المحتويات وكل حاجه فى الحمام
ومسكت الحيطان بملح ليمون وكربوناتو وخل وفيبا(وعلى فكره انا حطه المكونات دى على مسحوق الاطباق بينضفها و ويبقى جاهز علطول)
واليفه الخاصه بالتنضيف وسراميكا سرميكا لما بقى بيلمع
وكمان الخلطات والدش والحنفيه كله بقى بيلمع
والقاعده من بره خلتها فله ومن جوه بالفرشه المخصصه ودعكتها كويس لما نضفت خالص
وكمان ورا القاعده خلو بالكم من مواسير الصرف والفراغ الى بين القاعده والحيطه احسن يكون فيهم عنكبوت او سواد لازم النضافه تكون شامله
وكمان السخان الى المعظم بيطنشه انا بقى مدلعاه خاصه انى بحب شكله اوى هورهلكم طبعا
المهم باليفه اياها ودعكته كويس من التراب واثر الذباب لما بقى جديد
ومسكت الارضيه نفس الدعك
بس بين السرميك الاماكن الصعب تنضيفها اوى بستخدملها فرشه الاسنان احط شويه خلطه من اياها واسبهم واعمل اى حاجه وبعدين ادعك تلاقى الارضيه هتنطق من النضافه
ومسكت غطا البلاعه بالسلكه لما لمع خالى بالكم من حوالين البلاعه لازم يكون ناشف ونضيف
ورتبت الرف الى فى الحمام انا مزوقاه بحجات بسيطه بس بقى جميل
انا عندى الحوض بره الحمام ان شاء الله ادخله ادعولى
المهم مسكت الحيطه الى فيها الحوض وخلتها مرايه
والحوض حته حته والصبانه اوعو تسيبو فيها اى بواقى صابون
والخلاط وكله ورتبت الرف بتاع الحوض ومسحت المرايه بالميه والخل وجرنال وبقيت بتلمع

وفى الاخر قماشه نضيفه وناشفه وتلميعه كده للحيطه والخلاطات من نقطه ميه كده ولا كده
على فكره انا برده بغسل الشباك بنفس الخلطه وكمان الباب وبنضف السلك علشان يكون ديما نضيف
وفى الاخر مسكت اليفه وفرشه الاسنان وفرشه القاعده وغسلت كل واحده لوحدها فى ميه سخنه وبعدين نقطين كلور
وحطيتهم ينشفو
وفى حجات متنسوهاش زى تنضيف جردل التسيق المظلوم وكمان لو فى بيبى زيى غسلت البوتى بتاعت ملك من جوه وبره وفى الاخر احط فيها نقطتين كلور للتعقيم
وكمان المكان المخصص لفرشه القاعده لازم يبقى نضيف ونااااااااااااااااااااااشف علشان ميكونش مستنقع للميكروبات
ومتحطيش الفرشه فيها الا بعد لما تنضفيها وتعقميها وتنشفيها لازم النضافه تكون على اساس مش من على الوش وبس
وبعدين منستش زينه بسيطه للحمام عملت كده فازه صغيره من ازازه برفان عندى ولفتها بورق جلاد وحطيت فيها ورده
وكمان بروزازين بساط كده فى دخلته والاتجاه المقبل

المطبخ

ندخل على ضلف المطبخ
انا كل يوم اعمل ضلفه او اتنين الى اقدر عليه
المهم اول ضلفه مسكتها كانت ضلفه الفلافل
لقيتها الحمد لله مش متسخه اوى لانى ايدى فيها
المهم طلعت كل محتويات الضلفه من علب وبرطمنات واكياس وشاى وسكر وملح وكله
وكنست الضلفه بالفرشه والجروف علشان اى بهارات وقعه او ملح الخ
وبعدين مسكت فرشه الاسنان والذخانيق اياه او لو اى صرصار مرحوم سايب بيضه للذكره ولا حاجه الحمد لله ملقتش حاجه
ولزياده الإطمئنان رشة بيرسول واسيبها تتهوى شويه عقبال ما انضف الباقى
المهم مسحتها بقماشه ناشفه لان خشبها نضيف ليه بقى نضيف؟
انا كنت فرشاها
مسكت كل حاجه متخزنه فى كيس (شاى ,سكر,بهار,الخ)
وحطيته فى برطمان نضيف بغطاه ومخلتش حاجه فى الاكياس
وكمان فريت البهارات الوحش رميته والحلو حمصته ثانيه على نار هاديه بقت رحته واو
وكنت غسله طقم الفلافل قريب قمت مريت عليه بقماشه مبلوله بميه وفيرى وبعدين قماشه ناشفه
ورصتهم رصه حلوه كده
وبكده الحمد لله خلصت ضرفة الفلافل

المهم تانى ضلفه رتبتها هى ضرفه الخلاط ومحتوياته
اولا جبت شويه ميه وفيهم فيرى وجبت سفنجه جديده من بتاعت الاطباق وابلها حاجه بسيطه وادعك لما نضفت الضلفه وطبعا سبتها للصبح لحد لما تنشف خالص مالص
ومسكت حبيب قلبى الخلاط وجبت برده ميه وفيرى بس المره دى الميه د افيه وحطيت الخلاط ادامى مفيش حته صغيره ولا كبيره الا لما دعكتها كويس والدورق بتاعه والغطاء
وكمان الكبه والمصحنه وكله بقى فل
وانا حطه فى الرف الاول حجات الخلاط الى بستخدمها كتير والباقى عيناه فى كرتونته
والرف التانى البلاستك الى بستعمله والباقى برده عيناه
المهم الصبح فرشتها واه قبل ما انسى بليل رشيت رشه بيرسول
المهم فرشتها ورصيت الحجات فيها بشكل مرتب

انا بقى عندى ضلفتين للخزين هما اكبر خزنتين فى المطبخ وهما فوق بعض
نيجى للضلفه الى فوق فضيتها ومسكت الميه والفيرى اياهم والسفنجه وخلتها فله وطبعا خرجت محتوياتها بره وسبتها طول الليل تنشف
بس ياريت منغرقهاش ميه يادوب تغسلى السفنجه وتعصريها وتدعكى لما تحسى انها نضفت
والخزنه دى محتوياتها(مكرونه والزيت والسكر والسمنه والبهارات والمشروبات.......)
ودى طبعا حجات الخزين
غير الى بتستعمله يعنى مفيش عليها استعمال كتير الا لما يخلص الى بستعمله
فعلشان كده جبت كيس كبير وحطيت المكرونه والشعريه فى كيس وحطيت البهارات فى كيس وكذلك المشروبات
وقمت حطيتهم فى الكيس الكبير وقفلت عليهم وحطيت اكياس السكر فى كيس كبير
ورصيت ازايز الزيت الى للطبخ لوحده والى للاكل لوحده وكذلك السمنه
وبعدين رصيت الضلفه رصه حلوة بعد اما فرشتها علشان معدتش تتسخ تانى
حسيت ان الضلفه وسعت وكمان الحجات بقيت سهله لما اجى اخد منها حاجه
زى ما عملت فى الضلفه الى فوق عملت فى الى تحت بس الى تحت قسمتها
جزء للارز والدقيق وجزء للمنظفات
وعندى ضلفه كده طويله ورفيعه كانت مكركبه حطيت فيها طقم جيلى استعمال وكمان طقم التوزيع وحاولت استغلها وبقى شكلها حلو
وكانت المطبقيه بتعتى كبيره على الضلفه قصهالى جوزى
ورتبتها وانا مبحطش فيها الا حجات بسيطه والباقى
عيناها فى الدنسولر علشان مبحبش الكركبه
اه نسيت اقولكم انى رتبت برده ضلفه الحلل الى بستعملها وحطيتهم فى الرف الاول اما الدور التانى حطيت فيهم كوبيات الشاىو القهوه والميه الى لسه اصلا متفتحتش
والضلفتين الى فضلين ضلفه حطه فيها كوبيات الاستخدام ودى خرجت منها الكوبيات ولمعتها وطبعا برده نضفت الضلفه بالطريقه اياها وبعد ما نشفت فرشتها
وضلفه الحلل الى مبستخدهاش نضفتها ونظمتها
هى وضلفه الاجهزه الى برده لسه مستخدمتهاش

(البوتجاز)
حبيب قلبى والى طلع عينى ههههههه
انا كنت كل يوم اعمل فيه حاجه بعد لما اخلص
وجيت لليوم الجامد يوم تنضيفه
الاول شلت ورق الالمنيوم من عليه وغسلته ونشرته علشان ينشف
وبعدين جبت ميه بتغلى وحطيت فيها خل وفيبا وحطيتها على سطحه
وسبتها شويه
لميت عيونه وحطيتها فى ميه بتغلى وخل
ومفاتيحه مفتاح مفتاح دعك دعك وغسلتها بسلكه استانلس علشان الدهون
وكمان الحاوامل بتاعته لو انتى مبتنضفيهاش علطول يبقى ولعى البوتجاز لما يسخن الحامل شليه وبالسكينه بسرعه واوعى تلسعى نفسك
وبعدين بميه وخل ولمعت ازازه
وشلت البوتجاز من مكانه وغسلت الجوانب والضهر
وغسلت الارضيه الى تحت البوتجاز
وكمان مفتاح النور
ورحت نضفت سطحه بعد لما اى دهون ساحت
ومخلتش عليه اى حاجه مش نضيفه
واستخدمت فرشه الاسنان حبيبتى علشان انضف االذخانيق
وفتحت الفرن ونضفته وشيلت الارفف وغسلتها وسبتها تنشف

ورجعته مكانه وفرشته

منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دعاء السحّر
عضو نشيط
عضو نشيط
avatar

انثى
عدد المشاركات : 103
عدد المواضيع : 189
تاريخ التسجيل : 25/07/2011

مُساهمةموضوع: رد: تنظيف الحمام والمطبخ   السبت نوفمبر 26, 2011 3:03 am

بارك الله فيكى على النقل المفيد مشرفتنا الغالية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تنظيف الحمام والمطبخ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحبة الخير :: قسم الأسرة المسلمة :: الديكور المنزلي :: ركن التنظيف والترتيب-
انتقل الى: