منتدى أحبة الخير
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا.

و إن لم تكن مسجلاً معنا,نتشرف بدعوتك لتسجيل وأنضمامك وان كونك زائر متصفح

يسعدنا زيارتك و وجودك ونتمنى لك ان تستمتع بما موجود من المواضيع المتنوعة وبالتوفيق لك




ملاحظة هامة / عند التسجيل يرجى الذهاب الى بريدك الاكتروني لتفعيل اشتراكك واذا كنت

لا تعرف او لم تصلك رسالة التفعيل انتظر حتى يتم تفعيل عضويتك من قبل المدير وشكرًا

منتدى أحبة الخير

منتدى اسلامى شامل يجمعنا الحب فى الله
 
الرئيسيةالبوابةاليوميةالتسجيلدخول
سر جديد لجمال شعر الهنود 97562610
نرحب بجميع الزوار و الاعضاء الكرام و ونتمنى لكم قضاء اجمل الاوقات معنا وباب التسجيل مفتوح للجميع تذكر قول الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }

شاطر
 

 سر جديد لجمال شعر الهنود

اذهب الى الأسفل 
كاتب الموضوعرسالة
نور الهدى
مؤسس المنتدى
مؤسس المنتدى
نور الهدى

انثى
عدد المشاركات : 1086
عدد المواضيع : 628
تاريخ التسجيل : 14/07/2011

سر جديد لجمال شعر الهنود Empty
مُساهمةموضوع: سر جديد لجمال شعر الهنود   سر جديد لجمال شعر الهنود Emptyالجمعة نوفمبر 04, 2011 12:13 pm

طبعا كلنا بنشوف الهنود وجمال شعرهم


وكل واحدة فينا تتمني ان شعرها يكون كده

وعايزين نعرف السر بتاعهم

انا انهاردة جيبالكم اسرارهم لجمال شعرهم من بلدهم
يعني شغل المعلم بايده زي ما بيقولوا
هههههههه


اول حاجة انا سافرت اقليم الهند وقعدت هناك فترة وكنت بدخل بيوتهم وتقريبا عايشة معاهم


رغاية انا صح

معلش ندخل ع المهم

جمال شعر الهنود بيتلخص ف اربع نقط مهمة هى .........


1/ الجينات

اول حاجة الجينات بتاعتهم كده


زي ما بنشوف مثلا بتوع غينيا كلهم سمر
فطبيعة جيناتهم كده شعرهم حلو

طيب دي نعمل فيها ايه ؟؟؟؟
دي مش فادينا بس الباقي ف ادينا ان شاء الله


2 / المية

اه المية اللي بيغسلوا بيها شعرهم
لانهم بلاد فقيرة ومعندهومش محطات لتنقية المية زينا فمية الاستحمام عندهم جوفية فطبعا المية بكامل خيراتها من املاح ومعادن

يا مثبت العقل وانا اجيب مية زي دي منين؟؟؟
لو انتي ف بلد ارياف سهل اوي من الطلمبة بتاعت المية اللي بتكون ف الارض
او ممكن تكلمي اي حد من بلد ارياف يجيبلك جركن ميه كبير وتخزنيه عندك يبقي لشعرك وبس


بصي شكلي كده حجيبك انتي من شعرك
طيب خلاص نيجي بقي للمهم


3 / زيت الشعر
طبعا كلنا اول ما بنسمع الزيت ده هندي بنجري جري نشتريه وكانه الساحر العظيم اللي حيحل لينا كل مشاكل الشعر
(املا / تيرشوب / بارشوت / .......)
اقولك بقي الزيوت دي كلها محدش هناك بيستخدمها


عارفين هما الزيت اللي فعلا بيستخدموه لشعرهم ايه ؟؟؟

زيت اسمه زيت الخردل
والله يا جماعة الزيت ده مفعوله زي السحر
بيطول الشعر وبيمنع تقصفه وسقوطة وبيتقل الشعر وبينعمه
من الاخر هو ده فعلا اللي بيعمل سحر للشعر


هما والله ما بيستخدموا زيت احسن من كده لشعرهم ولجسمهم كمان

بس خلي بالك الخردل منه انواع وطبعا اغلاهم الهندي والباكستاني
وسعر اللتر منه بيوصل ل 200ج
وفي منه كمان المصري انا مجربتوش الصراحة
الزيت ده ريحته وحشة اه بس خطييير ف مفعوله
بيستخدموه لشعرهم دايما
وعلي فكرة هما بيدهنوا فروة راسهم مش شعرهم من بره زينا
وزيت الدهان عندهم
معظم الناس اللي انا قابلتهم ودخلت بيوتهم بيستخدموا البارشوت
خلي بالك مش البارشوت جولد لا البارشوت بس


4 / قص الشعر

دي رابع خطوة بيعملوها
ودي طبعا بتتنفذ لو مع طفل صغير

هما الطفل ف عمر اسبوع بيحلقوا شعره كله
اول ما يطلع الشعر بيحلقوه تاني
وبعدين بيسيبوا البنت لحد لما توصل لسن 7 او 8 سنين شعرها كل ما يطول يقصروه يعني يبقي يادوب لحد تحت ودنها بحاجة بسيطة
وبعد سن 7 سنين بيسبوه يطول عادي طبعا بتكون الشعرة بقت سميكة وناعمة




سر جديد لجمال شعر الهنود 75562a9a6d

سر جديد لجمال شعر الهنود 1276439306

سر جديد لجمال شعر الهنود 1276439333
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahebt-elkher1.forumegypt.net
 
سر جديد لجمال شعر الهنود
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحبة الخير :: قسم الأسرة المسلمة :: جـمـال وزينة الـمـرأة-
انتقل الى: