طبعا مع الرجيم البشرة والشعر بيتغيروا لذلك
ممكن تمشى على الخطوات دى.
1)الفيتامينات ضرورية يوميا
2)معلقة كبيرة خميرة على الريق يوميا او اقراص خميرة
3)حتعملى نتوياج اول يوم (ده مرة بس فى الشهر)موجود الطريقة
4)حتعملى سنفرة للوجه مرتين فى الاسبوع
5)اعملى حسابك فيه 2 ماسك للبشرة يوميا مختلفين طبعا((عندكم ماسكات كتير ..اختارى 3 او 4 بدلى بينهم))
6)اختارى طريقة تقشير للجسم وماسك حتعمليه مرتين او ثلاثة فى الاسبوع(كبداية)
7)اختارى حمام كريم او زيت لشعرك..اللى بتحب الحنة تحطه عليها..اللى مش بتحب الحنة تعمله لوحده..مرة واحدة فى الاسبوع
اجبارى بقى((لان اغلبيتنا حينضموا لحزب الصلع قريب))ماهو مش معقول جوزك ولا خطيبك يبقى بشعر وانتى ظلبطة
الروز مارى والزعتر والجرجير(اللى حنحطه فى الرشاش ونحفظه فى الثلاجة))يوميا قبل النوم نرش على جلدة الراس وندلك خفيف ولمى شعرك ولا لفيه زى ما انتى متعودة ونامى
9)ما ننساش الرجلين عايزنها تلمع ..والوصفة موجودة..تعامليها زى ما بتعملى لبشرة وجهك(سنفرة.ماسك.ترطيب) واقل حاجة تدهنى فازلين يوميا قبل النوم
10) اعملى تغيير فى لبسك(البيت او الخروج..غيرى الالوان لالوان مبهجة)..طريقة لف الحجاب غيريها...نوعى...
.تسريحة شعرك..الوان المكياج..رسم العين..طريقة الكلام..حاولى تتكلمى بهدوء ونعومة..حاولى ما تصرخيش لما العيال
يجننوكى..استغفرى..شوية بشوية حتتعودى.
.دلعى نفسك..اهربى من اى مسئولية لمدة ساعة((ما ينفعش؟؟)) طب نصف ساعة وما فيش اقل من كده
اقعدى فى غرفتك..اطلعى البلكون.ابعدى عن العيال وابوهم واى حد.اعملى اى حاجة ليكى وبس..حتى لو تشربى شاى وانتى
متنحة من غير تفكير فى البيت او العيال وابوهم..ده حيجدد طاقتك..ويديكى شحنة تكملى معركة الحياة
الوصفات
حنزل كذا وصفة وكل واحدة تختار اللى يناسبها
انا بقالى اسبوع بدور فى منتديات عربية كتير ودى تعتبر اكتر الوصفات المجربة
عايزين نتفق على حبة حاجات الزامى تعمليها يوميا
الفيتامين المتكامل
اكل السلطة والتركيز على الخضروات الورقية(جرجير.فجل.بقدونس. كزبرة.....)
تناول معلقة كبيرة خميرة على الريق يوميا((قبل اى اكل ومعها كوب ماء))حلوة للتخسيس والشعر والبشرة
وصفات الشعر
وصفات للشعر من ايمى روز
الوصفة الاولى لتطويل الشعر
زيت جوز الهند يوضع فى اناء على النار ونضيف علية فصوص توم (حوالى راس كدا) ونسيبة على النار 4 دقايق ثم يبرد ويعبأ فى زجاجة ويدهن منة يوم ويوم
بصراحة انا عملتة وبعد ما عبيتة فى الزجاجة اضفت الية م سدر وم حنة وم قرنفل لان السدر والحنة بيغذى الشعر والقرنفل كتير قالوا انة بينعم الشعر وهسيبة اسبوع وبعدين اعملها منة
الوصفة التانية لتنعيم الشعر
10 معالق حلبة حصى مطحونة +زيت ذرة تترك 10 ايام فى اناء مغلق ثم تصفى
و تستعمل فى دللك فروة الراس برفق
تنعم الشعر بطريقة ملحوظة
وصفة من فارما
والله يا بنات انا استخدمت الوصفة ده سنين ومقدرش اقول غير انها نعمة من الله
المهم الاستمرااااااااار
انا كنت بعملها كل اسبوع او اتنين ولما اتاخر يبق شهر
طبعا هتقولوا بطلتها ليه
علشان اتخطبت واتلخمت في الكليه والجواز و الحمل والاطفال
لكل شيء تمن والتمن كان شعري وبطني و حاجات كتيربحاول اصلحها دلوقتي
انا مش هعيب فيا وصفات تانيه انا ما ستمريش غير على ده وهي نتيجتها 100%
وسمعتها قريب من خبيرة تجميل في التلفزيون
المهم مش هرغي اكتر من كده
احلى حاجه في وصفتي اني مجرباها سنين انا واختي والحمد لله شعرنا احلى شعر في العيله احنا استخدمناها في مرحلة ابتدائي واعدادي وبسيط في ثانوي
يعني اعملوها لبناتكم
الوصفة
علبة زبادي
2 ملعقة عسل ابيض مضمون
صفار بيضه
2 ملعقة زيت جوز الهند بالذات الي في صفيح خضرا بشوفه عند العطارين وفي سوق ليبيافي مطروح
طبعا غالبا بيكون متماسك سيحيه على نار هاديه بسيط وكمان هيخلي الوصفه دافيه
اخلطي كله على بعض وحطيه على شعرك بعد تقسيمه زي اي حمام زيت على الفروة والاطراف حطي عليه كيس بلاستيك و فوطه سخنة اوسشوار
تعالى اقولك ازاى تعملى الشعر هاىلايت فى البيت((من فارما))
عملت شعري والنتيجه رااائعه الحمد لله انا عرفتها من كتر ما عملته في الكوافير
بس التكاليف جامده وكان بيطول بعد تلات شهور ارجع ابقى عايزة اعمله تاني وافضل ااخر في نفسي علشان طبعا التكلفة و الوقت بس التكلفة اكتر بصراحه
المهم
اللون ده هقولك على طريقته:1-لازم ميكونش فيه سيروم في شعرك ولا زيت ولا اي خاجة اغسلي شعرك وبعد يوم او اتنين اعملي
2- شعرك ناشف ويستحسن يكون مفرود باي طريقه علشان تقدري تتحكمي فيه
3- حضري ورق الومنيوم كتيييييييييير متقطع البكرة تقطعي بعد حوالي 25 سم وبعدين تقسميها نصين هيطلع عندك قطعتين مستطيلتين واعملي منها كتيييييييييييير حوالي تلاتين او اربعين حسب تقل شعرك والخصلات اللي هتعمليها
4- اشتري من محل ادوات كوافير بودرة تشقير كبيرة بحوالي 15 جنيه و زجاجة ماء اكسجين تركيز 20 او اكتر بحوالي 10 جنية وفرشاة صبغ ومشط مؤخرته دقيقة الايد بتاعته رفيعة من الاخر جدا
5- حضري البودرة وضيفي عليها ماء الاكسجين كمية مناسبه لشعرك
6- قسمي شعرك الامام والخلف الامام قسم والخلف قسمين واستعملي مشابك لمسكه
7- امسكي قسم من الخلف وخدي سطر من الشعر بالمشط ذي اليد الرفيعة وبعدين خدي منه خصلات زي السراجه خصلات رفيعة احسن وضعي تحتها الالمونيوم وضعي عليها البودره بالاكسجين وشبعيها تماما وطبقي الورقه من الجنبين على الخصل وبعدين اتنيها من تحت لفوق وهكذا القسم الخلفي كله والامامي من الجنب اليمين للشمال ولو عندك قصة اعملي فيها الخصل لوحدها بنفس الطريقه خلي بالك الامام اتجاه الورق هيكون عمودي على الورق اللي في الخلف والقصة زي الخلف وحاولي الخصل تكون رفيعة اوعي تنخدعي وتعمليها تخينة
8- سيبيهم نصف او ساعة الاربع ولو عندك سشوار سخنيهم علشان اللون يطلع احلى
9- فكي كله وبعدين حطي بودرة التشقير مع الاكسجين لشعرك كلة زي الصبغة بس ما تسيبيهاش كتير حوالي عشر دقايق وشوفي اللون ولما توصلي للون اللي يعجبك اغسلي شعرك وسشوريه وادعيلي بس الاخطاء الفنية ماليش دعوة بيها
اللون هيطلع زي كده ان شاء الله
وصفة جميلة جدا
الزعتر والروز مارى وورق السدر والجرجير لكثافة الشعروانباته
ملعقة(اكليل الجبل.حصا البان كلها اسماء للروز مارى))ملعقة زعتر معلقة ورق سدر.حزمة جرجير(يضرب مع ماء فى الخلاط)
ننقع الروز مارى والزغتر فى كوب ما مغلى فى كوب ماء مغلى ونتركها فترة لتنقع((يوم) ونصفيها ونضعها فى بخاخ
مع ماء الجرجير المصفىونضعها على فروة الراس يوميا((ليلا)) وندلك فروة الراس بلطف..ما تحطيهاش على كامل الشعر..على الفروة بس.. وما تغسليهاش
ومش حيعدى اسبوع الا لما تلاقى الشعر الجديد بينبت
كمان الروز مارى حلو جدا لتقوية الذاكرة وثبت ان تدليك فروة الراس بخلاصته او بزيته ادى لتراجع اعراض مرض الزهايمر
وفى اليونان يستخدموه كبخور فى بيوت الطلبه
((الرشاش تحفظيه فى الثلاجة))
حمام كريم للشعر
((للى بتحب الحنة تضيفه عليها)
مايونيز((اعمليه فى البيت ..بيضة.زيت زيتون.فص ثوم.ليمون او م خل.شوية ملح نونو واضربيهم فغى الخلاط)
زيت عافية
معلقتين خميرة
معلقة حلبة مطحونة
معلقتين طحينة
تخلط المقادير وتوضع على الشعر ساعة بالبونيه ثم تغسل جيدا
وصفة لتطويل الشعر من (صحفية شطورة)
مشط خشب ب 5 جنيه
3 ازايز شامبو لونا من الصيدليه الازازه ب 16 جنيه
علبتين فيتامين هير تون 62 جنيه
ازازه سيروم زيرو فريز اللى عليها 25% زياده 54 جنيه
نص كيلو سدر ورق من عند فرج العطار فى الازهر 22 جنيه
ازازه لوسيون روتاج من الصيدليه 20 جنيه
بخاخ فاضى 2.75
5 ازايز كحول طبى من الصيدليه الازازه 2.5
10 راس توم متقشر معرفش تمنه استخدمت من البيت
زيت سمسم من فرج العطار ب 8 جنيه الازازه
ونسمى الله مره اخرى ونبدا الطريقه بالتفصيل الممل
بأيدك انتى اقسمى شعرك نصين ومن قدام قربيهم من بعض وقصى الاطراف
وبنيتك طلعى اااااااااااااااااااااااااى مبلغ صدقه بنيه شفاء شعرك
هاتى التوم وقشريه وحطيه فى الخلاط وحطى عليه الخمس ازايز كحول وبنفس ازازه الكحول امليها ميه يعنى املى الازازه خمس مرات عشان الكحول يبقى اد الميه واضربيهم فى الخلاط جااااااااااااااااااااااااااااااااااااامد وهاتى ازازه ازاز وحطى فيها التوم بالكحول وفى مكان ضلمه وسبيها 15 يووووووووووووم
بعد ال 15 يوم هنعمل ااااااايه بقى
هنجيب حله متوسطه ونحط فيها 3 كوبايات ميه ونحط كبشه ورق سدر ونغليهم ونسبهم لتانى يوم منقوعين تانى يوم نصفيهم ونحطهم فى الرشاش وركزى معاااااااااااايا تحطى عليهم غطا من ازازه اللوسيون روتاج ونرجها كوووووووويس
كل يوم ترشى شعرك الصبح وبالليل من ميه السدر دى لغايه ما شعرك يتبل خالص وتسرحيه بالمشط الخشب وتعملى شعرك ضفيره حتى لو قصير وتسمى الله وتاخدى قرص الهير تون
زمتغسليش شعرك ريحه السدر جميله واغطا لوسيون الريتاج هيحلى ريحتها اكتر ده هتعمليه كل يووووووووووووووووووووم وتحطى الرشاش فى التلاجه هيكفيكى اربع ايام
وكل اربع ايام تغلى تانى وتحطى غطا الريتاج
وبعد ما ينشف من السدر تحطى مسحه زيرو فريز عليه خفيفه كده واوووووووووووعى تدهنى اى كريم
يومين فى الاسبوع بقى تحدديهم انتى ويااااااريت تخليهم نفس اليومين
هنجيب خلطه التوم اللى عملناها وسبناها 15 يوم ونجيب ازازه برفان فاضيه اللى بيركبوا فيها البرفان تروحى اى محل تركيب هيدهالك ب2 جنيه وتصفى فيها حبه من خلطه التوم وترشى جدور الشعر يعنى قربى البخاخ للجدور وترشى لغايه ماتخلصى فروه راسك كلهااااااااااااااااااااااااا واعملى تدليك لمده ربع ساعه وسيبى التوم مش اقل من 3 ساعات وبعدين وهو التوم على راسك غرقى شعرك زيت سمسم بس بعد ال3 ساعات وسبيه نص ساعه تانى وقومى اغسلى شعرك بشامبوا اللونه كويس اوى وادهنى الزيرو فريز وسيبى شعرك مفرود واوعى تسرحيه وهو مبلول لما ينشف شويه سرحى بالمشط الخشب واعملى شعرك طقيه ولما ينشف ارجعى اعملى الضفيره وبالليل رشى السدر وابداى نفس الخطوات تانى كل يوم صبح وليل ترشى السدر ويومين فى الاسبوع التوم وحبايه الهير تون كل يوم
الكميات اللى قلتهالك فوق دى كميه ال3 شهور بالتمام والكمال
بعد التلات شهور او من اول شهر انتى هتشوفى بعينك ان ده مش شعرك
وصفة من راندا..لنعومة وتطويل الشعر
اخواتي الفتوكات انا مش هتكلم في حاجة جديدة لكن هتكلم عن تجربتي مع شعري وانا زي كل المتزوجات شعري وقع وجسمي باظ الخ الخ؛؛؛؛؛؛؛؛؛؛؛؛؛؛؛؛
مش هطول عليكم انا قرات موضوع لاخت في بداية اشتراكي مع فتكات عن الحنة وفوايدها للشعر وطبعا كانت فايدة الحنة غير خافية عني لكن الجديد انك ازاي تعجنيها
انا شعري كان خف جدا من الامام وبقي خفيف بطبعه ومش بيطول خالص يعني اصبح زي المشلول وده الوصف الانسب ليه
المهم من شهرين تقريبا بدات استعمل الخليط اللي هقولكم عليه وكنت واخداه من موضوع لاحدي الفتوكات بس شعري اصبح رهيب لدرجة ان بنتي مستغربة جدا من طوله ونعومته
انا كنت وما زلت ماشية علي الوصفة دي
1-حنة يمني وهي افضل انواع الحنة علي الاطلاق حوالي 4او5ملاعق
2- ملعقة من املج وده عشب واكيد تعرفو فايدته الكبيرة للشعر
3-ملعقة من قشر رمان مطحون
3-زيت زيتون حوالي 3ملاعق
4-مقدار بيضتين
5-نصف ملعقة صغيرة من دم الغزال
6-ملعقة خل
7-مقدار من الماء الدافئ ان احتاجتيه في العجن
7-ملعقة خميرة فورية
تخلطي المقادير وتتركيها مدة 3ساعات حتي تخمر وتتفاعل المواد مع بعضها وبعدين تحطيها علي شعرك وتغطي شعرك بكيس نايلون لمدة ساعة وبعدين تتركيها مكشوفة 3 ساعات كمان وتغسليها
هتشوفي النعومة من اول مرة وشعرك باذن الله هيطول ويقوي بس لازم تستمري مرة في الاسبوع علي الاق عشان تجيب نتيجة زي ما انتم عاوزين
والله والله دي تجربتي ومش هتصدقو غير لما تجربوا وتدعولي
يالا قومي جربي عشان تفرحي بشعرك وترجعي ايام زمان
علي فكرة انا سلفتي عملت الخلطة دي وشعرها كان خشن اصبح تاعم وانا نفسي زهلت من النتيجة
....................
.....................
.....................
العناية بالوجه
لازم كل يوم ماسك بس لازم بعد النيتوياج زي ما اتفقناونحضر الماسك ده ( ماسك التفتيح العظيم )
بطاطسية مسلوقة بقشرها بعد غسلها كويس جدا طبعا +
قشر موزتين نضيفه بردو +عصير نصف ليمونة او ليمونة حسب حساسية البشرة + نصف كوب لبن ونضربهم في الخلاط ونحفظهم في زجاجه في التلاجه ليها غطاء محكم
الجدول
الخميس : ماسك التفتيح العظيم
يدلك به الوجه لمدة 3 دقائق ويترك حتى يجف حوالي نصف ساعه اما اصحاب البشرة الحساسه ربع ساعه فقط لا غير
ثم يشطف بماء فاتر ونمرر تلجه وننشف الوجه جيدا
وترطيب بكريم خفيف
الجمعة : ماسك التفتيح العظيم مثلا صباحا ومساءا ماسك بذرة قطونة (رااااائع)
ملعقة صغيرة مملوءة بذرة قطونة + ماء مغلي حوالي اتنين ملعقة كبيرة
ويقلب كل شوية ولما يبرد هنلاقيه لزج كده عندك اختيارين
تستخدميه كده بحبوبه او تصفيه وتاخدي السائل اللزج
هتصفيه بشاشه او شراب فيليه او قماش خفيف اوي
وتفرديه على الوجه والرقبه ساعه او ساعتين حسب وقتك مع استرخاء تام تام
مهم جدا الاسترخاء لانه بيشد الجلد فلازم يكون الجلد مسترخي
وبعدين تشطفي وجهك بماء فاتر وتمرري تلجه وتنشفي وجهك كويس
وترطيب خفيف
السبت : ماسك التفتيح العظيم صباحاومساءا ماسك الزبادي
زبادي بلدي حتى لو منتهي الصلاحيه
ويفرد على الوجه مع التدليك 3 دقائق
ويترك نصف ساعه ويشطف بماء فاتر
ونمرر تلجة
وترطيب خفيف
الاحد : ماسك الترمس المطحون والخميرة
ملعقة ترمس مطحون صغيرة مليانه + ملعقة صغيرة خميرة جافه
او طرية مذابة في قليل من الماء الدافئ وتخلط مع الترمس المطحون
وتفرد على الوجه حتى تجف حوالي نصف ساعه
وتبلل اليد بالماء ونبدا في ازالته بالتدليك برفق
وده تعتبر سنفرة خفيفه ويشطف جيدا بالماء الفاتر
ونمرر تلجه وننشف الوجه جيدا وترطيب خفيف
ومساءا كبسولة فيتامين E تدلك بها البشرة بعد حمام بخار خفيف جدا
الاتنين :ماسك التفتيح العظيم صباحا
ومساءا ماسك بذرة قطونة
الثلاثاء : ماسك التفتيح العظيم
الاربعاء : ماسك التفتيح العظيم
ومساءا كبسولة فيتامينE بعد حمام بخار خفيف جدا
الجسم
يوميا شاور تحت الدش ربع ساعه او في البانيو وتكوني حاطة
مغلي اعشاب الكاموميل في البانيو
او في شراب فيليه تحت الدش لو مفيش بانيو
ونفرد ماسك التفتيح العظيم على الجسم كله
وعندما يجف نزيله بطريقة السنفرة كما فعلنا في الوجه
وطبعا ندعك جسمنا كويس بالليفة والصابون قبل وبعد الماسك
وناخد دش بارد سريع ولو 30 ثانيه فقط
ونجفف الجسم جيدا
ثم ترطيب للجسم كله بكريم جليسوليدGLYSOLID
واليوم التالي ناخد نفس الشاور لكن بدل ماسك التفتيح العظيم نعمل سنفرة بزيت الزيتون والملح
وبعدها نشطف الجسم بالماء البارد 30 ثانيه
والتجفيف جيدا
والترطيب جيدا
وهكذا يوم ويوم
وده برنامج ممتاز هيحل مشاكل كتير وطبعا هو مكثف ي
عني ممكن نعمله لمدة اسبوع او اسبوعين فقط
لكن لو معانا وقت هنعمله لمدة شهر
احلى ماسك بالحنة البيضاء
الى الكل بيسال عنها وعاوز
يشتريها
ويمكن احسن بكتير
نبدأ المكونات
لسان بحر مطحون
فاصوليا بيضاء مطحونه
شبه مطحونه
ترمس مطحون
هتقولولى ايه ده الموكنات
هقولكم كلها معروف
الترمس والشبه والفاصوليا
وكمان لسان البحر معروف جدا
عند العطارين ورخيص
هو شكله قبل الطحن عامل
زى العظم كده ابيض
تعالوة نشوف فوائد كل عشبه ايه لوحدها علشان تعرفوه انها وهم بجد
اولا لسان البحر
ده بيفتح البشره جدا
ثانيا الشبه
وده مطهر طبيعى للوجه
يعنى بيمنع نسبيا انه يطلعلك
الحبوب وبيطهر البشرة
الترمس
وده غنى عن التعريف طبعا
فوايده للبشره كتير تفتيح ونعومه
ونضاره
الفاصوليا البيضاء
وده بقى خرافه فى القضاء
على النمش واثار الحبوب
وبقع الوجه
على فكره هتشتره ب2 جنيه لسان البحر
و2 جنيه فاصوليا بيضاء
و1 جنيه ترمس مطحون
و1 جنيه شبه مطحونه
وممكن تلاقوه لسان البحر مطحون جاهز
ولو ملقتهوش هو بيطحن عادى فى المطحنه هو والفاصوليا
يعنى عموما الماسك بيفتح
وبيعطى نضاره
وبيشيل اثار الحبوب والبقع
وكمان بيمنع ظهور الحبوب
الجديده
نيجى بقى للطريقه
3 ملاعق من لسان البحر المطحون
3 ملاعق من الترمس المطحون
3 ملاعق من الفاصوليا المطحونه
1 معلقه واحده من الشبه
نخلط كل المقادير مع بعض
ونحفظهم ببرطمان زجاج
زناخد معلقه او معلقتين منهم
نخلطهم بماء
او لبن حتى يتجانسوا
ونوضعهم على الوجه
فى الاسبوع الاول
كل يوم وبعد كده مرتين الى 3
مرات فى الاسبوع