بيتى فلة شمعة منورة فى أسبوع

اليوم الاول
السجاجيد
اكنس السجاجيد بالمكنسه الكهربائيه
اجيب بستله صغيره فيها مياه دافيه وشويه خل وفرشاه البلاط
وادعك السجاجيد كلها عشان لونها يزهزه كده
اسيبهم ينشفوا وبعدين الفهم واحطهم فى ركن جمب بعضهم

اليوم الثانى
العفش والاجهزه
اجيب بخاخه ام 2.5 واحط فيها جاز
والبس فى ايدى شراب قديم
ارش جاز وامسح بالشراب اللى فى ايدى
الاقى العفش والاجهزه بتبرق وبتلمع كانها جديده
المرايات والزجاج
اجيب بستله صغيره فيها مياه وقماشه مقصوصه من بنطلون استرتش قديم
وابلها واعصرها وامسح بيها المرايات والزجاج اللى فى الشقه كلها
واجيب ورقه جورنان اكرمشها واعدى على كل مرايه ادعكها بالجورنان كذا مره طولى وكذا مره عرضى لحد متبقى بتبرق وتسمعى صوتها بتزيق



اليوم الثالث
الدراج والدواليب وتحت السراير
اجيب كيسين كبار
افتح كل درج واشوف الحاجات اللى ملهاش لزمه ارميها فى الكيس
افتح دواليب الهدوم والحاجات اللى ضاقت عليا او مبقتش البسها اطبقها واحطها فى الكيس التانى عشان اتبرع بيها لجمعيه خيريه
وساعتها ربنا بيعوضنى بهدوم جديده من حيث لا احتسب
والدراج ارتبها واحط كل الحاجات اللى شبه بعضها فى درج لوحدها عشان متعبش وانا بدور على اى حاجه
والحاجات اللى بستعملها باستمرار بحطها قدام عينى
والحاجات اللى بستعملها بس كل فين وفين بحطها فى كيس مقفول على جمب

اليوم الرابع
الستاير والمفارش
بلمها واغسلها وانشرها
الشبابيك
البس ايشارب على شعرى عشان التراب
والف ايشارب على انفى عشان التراب
وافك المكنسه من العصايه بتاعتها وامسكها واكنس الشيش والشباك من التراب اللى عليه
الاسقف والارضيات
اجيب المكنسه والف عليهاحته قماشه
واشيل العنكبوت اللى على السقف من كل الحجرات
اكنس الشقه كلها وكل حاجه اشيلها واكنس تحتها وارجعها مكانها
واجيب الجاروف والم التراب اللى جمعته




اليوم الخامس
المراتب
اطلعها البلكونه تتشمس
الحيطان والابواب
اجيب بستله صغيره فيها مياه وشويه اريال ليفه الشاور اللى شبه ديه00000000000000
وادعك الحيطان الحتت الظاهره فقط والابواب من بره و جوه
والحيطه اللى عليها قلم جاف احط عليها حته معجون سنان وادعك بالليفه
وبعدين اجيب بستله صغيره فيها مياه وحته قماشه من حاجه جيل قديمه
ابلها واعصرها وامسح الحيطه
الاقيها بتبرق وبتلمع مش مجيره زى مكنت بدلق مياه بالهبل
الشبابيك
اجيب بستله صغيره فيها مياه وحته قماشه من حاجه جيل قديمه
ابلها واعصرها وامسح الشبابيك و الشيش
وكل متتوسخ القماشه احطها فى البستله وا غسلها واعصرها وامسح بيها تانى
وامسح الزجاج بتاع الشباك والمعه بورقه جورنان
السيراميك
اغسل المكنسه كويس
اجيب زجاجه 2 لتر فاضيه بتاعه الكاكولا واملاها مياه و3 غطا ديتول وارجها
وادخل على حجره حجره
ادلق فيها شويه مياه من الزجاجه واكنس بالمكنسه المياه بحيث تتوزع فى كل الحجره
ومبكترش مياه عشان مبحبش الحوسه
واحط فوطه المسح فى جردل فيه مياه واعصرها
والفها على المساحه
وامسح الحجره بيها
واجيب فوطه مخصصاها للتنشيف احطها تحت رجلى وامشى بيها فى الحجره كلها عشان السيراميك لو حد مشى عليه قبل مينشف بيجير مطرح الرجلين وبيبقى كانى معملتش حاجه
الحمام
بلم الشامبوهات و حاجات الحمام الصغيره فى بستله واطلعها بره الحمام
عندى زجاجه بريل فاضيه حطيت فيها شويه بريل و شويه ديتول والباقى مياه
دعكت بالخليط ده الحوض والتواليت والبانيو (البانيو بدعكه بالمكنسه وانا واقفه)
وعندى منظف اسمه فلاش جيباه من محل مخصوص للمنظفات ب 3 جنيه
حطيته فى بخاخه
واى حته فى الحمام فيها بقع مستعصيه او صدأ برش عليها وادعك بالليفه الاقيها نظفت والبقعه راحت
بس اوعى ترشى ناحيه الخلاطات الاستانلس لحسن تصدى
وابقى البسى كمامه عشان ريحته تخنق واوعى تخلطيه مع اى منظف تانى عشان بيعمل فوران ويطلع ريحه تخنق
وبعدين اشطفى وادلقى مياه على الارض واكنسى بالمكنسه وامسحى بالمساحه و رجعى كل حاجه مكانها وخلاص




اليوم السادس
المطبخ
الثلاجه
طلعلى اللى فيها على الرخامه وارمى الحاجات البايظه
طلعى الارفف واغسليها تحت الحوض بالسلكه السالستين المدوره0000000000
و بعدين اشطفيها واسنديهم على الحيطه واقفين عشان تتصفى على حته قماشه على الارض
وبعدين ادعكى الثلاجه بالسلكه السالستين المدوره
وامسحى بحته قماشه مبلوله
ورجعى الارفف ونشفيها وهى فى مكانها من فوق وتحت بحته قماشه ناشفه
وبعدين رصى حاجات الفطار فوق وحاجات الغذاء تحتيها واللبن والزبده تحتيهم والفاكهه فى بستلات تحتيهم والخضار فى الدرج
بس بعد متبطنيه بورقه جورنان وحته قماشه (كيس مخده قديم) عشان لما الخضار بيعرق بيبوظ ولو حاجه باظت بتعدى اخواتها
لكن القماشه اللى حطينها بتمص الرطوبه والبلل اول باول
الدواليب
طلعى الحاجه وامسحى الدواليب بقماشه مبلوله وافرشى جرايد او مفارش بلاستيك وحطى الحاجه تانى بترتيب ونظام
الحيطان والدواليب من بره والبوتاجاز والثلاجه من بره
هاتى بخاخه الجاز والبسى فى ايدك فرده شراب قديمه و امسكى السلكه السالستين المدوره (واحده تانيه مخصوصه للجاز)
واطلعى على السلم او على كرسى بلاستيك متين ورشى على السيراميك جاز وامسحى بايدك اللى لابسه فيها الشراب
والحته اللى تلاقيها فيها دهون جامده ادعكى بالسلكه وبعدين امسحى بالشراب
وكملى الحيطه من تحت و خلف البوتاجاز والدواليب الالوميتال من بره والبوتاجاز والثلاجه من بره
الرخامه
شويه كلور او ملح لمون وادعكى وامسحيها بقماشه مبلوله
السيراميك
ادلقى مياه ورشى شويه جاز من البخاخه عشان الدهون
وادعكى بالمكنسه وزقى الثلاجه والبوتاجاز عشان تسيقى تحتيهم واى حته مدهننه جامد حطى السلكه تحت رجلك وادعكى برجلك
وامسحى بالمساحه وخلاص



اليوم السابع (يوم الفرش)
اكوى الستاير وعلقيها
افرشى السجاجيد
افرشى ملايات سراير نظيفه
افرشى مفرش السفره ومفارش حجره النوم
حطى بخور لتعطير الشقه


م .ن