مربى اليوسفي و البرتقال

المقادير :
كيلو برتقال بسره
كيلو يوسفي
كيلو سكر
ملعقه عصير ليمون


الطريقه :
يغسل البرتقال و اليوسفي غسلا جيدا
يسلق البرتقال و اليوسفي في الماء يحث يغمره الماء تماما لمدة عشر دقائق ثم يصفى
يعاد سلقه مره ثانيه حتى ينضج تماما ثم يرفع البرتقال و اليوسفي من ماء السلق و تزال البذور ثم يفرم جيدا مع الإحتفاظ بالعصير الناتج أثناء الفرم
يضاف السكر على العصير و يقلب حتى يذوب السكر تماما ثم يضاف إليهم البرتقال و اليوسفي المفروم
يرفع الجميع على نار هادئه حتى تنضج المربى مع نزع الريم كلما ظهر
يضاف ملعقه كبيره من عصير الليمون على المربى و تترك تغلي على النار لمدة خمس دقائق
تعبأ في برطمانات معقمه جيدا ثم تقفل بحث يكون إرتفاعها إلى ما قبل حافتها بمقدار نصف بوصه
يختبر نضج المربى بأن يوع قليل منها على طبق نظيف و تركه حتى يبرد و يترك خمس دقائق فإذا حافظت على قوامها و إنكمشت دل ذالك على تمام النضج و تعبأ كما نفعل مع باقي المربات السابق شرحها

و بالهنا و الشفا



:::مربى اليوسفي والبرتقال:::
المقادير:
كيلو برتقال بسرة.
كيلو يوسفي.
كيلو سكر.
معلقة صغيرة ليمون.

الطريقة:

1. اسلقي البرتقال واليوسفي لمدة 10 دقائق وبعد كده اتخلصي من مياه السلق علشان تتخلصي من مرارة قشر البرتقال واليوسفي.

2. يعاد بعد ذلك سلقه بماء جديد ثم يصفى وتنزع البذور والأعناق.

3. بعد كده افرميه بس خلّي بالك من إنك تحتفظي بالسائل الناتج عن الفرم.

4. ضيفي إلى السائل الناتج عن عملية الفرم السكر واتركيه على نار هادئة مع التقليب حتى يذوب السكر تماما.

5. بعد شوية ضيفي خليط البرتقال واليوسفي المفروم إلى السكر على النار مع التقليب المستمر ونزع الريم أولا بأول.

6. ضيفي عصير الليمون وارفعي درجة حرارة النار واتركيها لتغلي لمدة 5 دقائق.

7. شيلي المريي بعد ما تستوي من على النار وعبيها في برطمانات زي ما اتفقنا.
والف هنـــا وشفــــا


ملاحظات هامة
السكر والفواكه
خلّي بالك إن السكر اللي هتعملي بيه المربى يكون نقي مفيهوش شوائب، و كمان الفواكه تكون طازجة.

إناء الطهي
حاولي إنك تستعملي إناء مستدير سميك من الجوانب.

للتقليب
بلاش تستعملي معلقة معدنية للتقليب وحاولي إنك تستبدليها بمعلقة خشب.

على نار هاديه
خلّي بالك إنك تذوبي السكر على نار هادئة وتحاولي إنه يدوب على الآخر وده علشان المربى ماتسكرش قبل ما تغلي.

اوعي تنسي
إنك تضيفي عصير الليمون إليه علشان المربى ماتسكرش منك قوي.

أول بأول
احرصي وإنت بتقلبي المربى إنك تشيلي الريم أول بأول وده علشان المربى يكون لونها رايق وصافي.

البرطمان
بالنسبة بقى للبرطمان اللي هتعبي فيه المربى فده لازم يكون نضيف قوى قوي قوي، وجاف تماما من المياه هو والمعلقة اللي هتستخدميها علشان المربى ماتفسدش بسرعة.


أحكمي الغلق
زي ما بيكتبوا على علب المربات لازم تملي البرطمان على الآخر علشان مايكونش فيه حيز يسمح بدخول الهواء، وخلّي بالك إنك تقفلي الغطاء كويس قوي علشان المربى ماتفسدش بسرعة.

اختبار نضج المربى
علشان تعرفي إذا كانت المربى استوت ولا لأ؟ فيه حاجة ممكن تعمليها وهي إنك تاخدي معلقة من المربى وتحطيها على طبق جاف وتسيبيها شوية لغاية ما تبرد. وبعد كده تشوفي إذا كانت سميكة ولا لأ.

في التلاجة
بعد ما تبرد المربى عبيها في البرطمان زي ما اتفقنا واحتفظي بيها في الثلاجة