السلام عليكم و رحمة الله و بركاته
ازيكم اخواتىالقمرات
عارفين ؟؟كل ما اجيب برتقال او يوسفى انبه على الجميع ...محدش يرمى القشر ....عارفين ليه
لانى و بساطة كدة بقيت اجمعهم فى كيس و اشيلهم فى الفريزر عشان استخدمهم فى الكيك عشان لما يجى الوقت اللى مش بيكون فيه برتقال او سفندى يكون عندى القشر بتاعهم و احسن كمان من استخدام التانج للكيك لان القشر بيدل للكيك الطعم الحقيقى
وهو انك لما تعملى الكيكة تضربى القشر فى شوية ميه فى الخلاط و تضفيهم على عجينة الكيكة
و طبعا الكلام ده عن تجربة
اما بالنسبة لتخزين السفندى او اليوسفى انتى بتشلى القشر علاطول فى الكيس لان قشرته خفيفة و ملهاش طبقة تحته زى البرتقال
اما البرتقال فعندك حلين اولهم و ده غلس شوية انك تبشرى القشر قبل ما تشليه
اما الحل التانى فانك لما تيجى تقشرى البرتقالة متلفيهاش داير ما يدور ...لا ....قشريها من فوق لتحلت يعنى بالطول
يعنى لما تطلعى القشرة بتكون تقريبا زى قارب او اقرب لشكل الهلال و هنا ممكن تشيلى القشرة البيضة اللى مبطنة قشرة البرتقال نفسها
و اكيد طبعا ممكن تشيلى البرتقالة على بعض سليمة او مقطعة
بس فى عدم توافر ده فطبعا القشر فى الخدمة و مش هياخد زحمة فى الفريزر
يا رب اكون فدتكم
و السلام ختام
موضوع: اوعى ترمى قشر البرتقال و اليوسفى تعالى عندى