النهارده بقي جيبالكو مقادير الفيجيتار ...زي الجاهز بالظبط و احلي كمان
اولا : بتجيبي البقسماط المطحون....
انا عن نفسي ما بشتريش جاهز...ولا من الفرن....
بجيب العيش الفينو اللي بيفيض مني....و اجمعه..و اسيبه ينشف....و بعدين اطحنه...
بطحنه ازاي بقي؟؟؟ بجيب مصفه....و ابشره فيها...بحركه دائريه...
بيطلع ناعم قوي و حلو...و ابيض مش اسمر....لان قلب الفينو ابيض
زي الصوره دي
يبقي كده جهزنا البقسماط المطحون...
المقادير:
- مج كبير بقسماط مطحون
- 2 معلقه كبيره دقيق
- نص معلقه صغيره ملح
- نص معلقه صغيره ريحه كحك
- نص معلقه صغيره جنزبيل مطحون
- نص معلقه صغيره بهارات
- معلقه نشا كبيره
- رشه فلفل ابيض او اسود...انا بافضل الابيض في الفيجيتار
- معلقه صغيره بودره بصل
بس كده
و نقلبهم كويس قوي...علشان نضمن ان المكونات امتزجت كويس
و يبقي جاهز للإستخدام
ده طبعا الفيجيتار العادي....لو عايزاه حار...بتضيفي عليه نص معلقه شطه ناعمه
انا باعمل كميه كبيره.....و احطها في برطمان في المطبخ...و اسحب منها ساعت ما احتاج...علشان ما اكسلش اعمل الخطوات دي كل شويه
يلا بالهنا و الشفا
م .ن
موضوع: الفيجيتااااار...اعمليه زي الجاهز و احلي