بسم الله الرحمن الرحيم
المكونات
دقيق
ماء
ذرة ملح
وتعجن المكونات حتي تصبح عجينة مش طرية قوي وبعدين تكوريها كور وتفرديها بالماكينة اللازانيا
وبعد كدة رشي عليها دقيق وتفضلي تمطي العجينة وترققيها زي الرقاق وتفرديها علي قطعة قماش نظيفة يعني ممكن ملاية مش بتستعمليها أفردي عليها العجين وتكوني رشاها دقيق
واتركي العجين بعد ما رققتية واحدة واحدة سيبية يتهوي شوية وبعد كدة ضعية في الماكينة بس في جنب في الماكينة أرفع شوية وهو دة جنب المخروطة
وبعدين بعد ما يتقطع العجين رشية علية دقيق مش كتير
حضري حلة فيها ماء مغلي وفوقيها مصفاة وحطي قماشة بيضاء نظيفة في المصفاة وضعي المخروطة بس مش كلها مرة واحدة علشان مش تعجن يعني حطي بس علي مراحل واحكمي غلق القماشة واتركيها تستوي
تقريبا ربع ساعة الي ثلث ساعة واختبرية وشوفي
المرحلة الثانية
طريقة أكلها أما حاذق أو مسكر
الحادق
أحضري حلة وضعي فيها المخروطة وتكوني مسيحة سمنة بلدي وبرديها يعني ماتكنش ولا ساقعة ولاسخنة وضعيها علي المخروطة ومعاهم ربع كوب لبن وياسلام لو عندك قشطة كمان وملح وفلفل وقلبيها بأيديكي وهويها وانتي بتقلبيها
ووقت الأكل ممكن تحطي عليها شوربة أو تتاكل كدة ناشفة
المسكرة نفس الخطوات بس طبعا بدل الملح والفلفل حطي سكر بودرة
منقوول لعيونكم
موضوع: طريقة عمل المخروطة