اتفضلى ياحبيبتى الطريقه وادعيلى
تجبيى كليو اللبن ويكون مغلى قبل كده وبرد تمام وتحطى عليه معلقه سمنه كبيرة وممكن زيت والتوابل ومكعب ماجى وتشغلى النار عليه واول ما يسخن
تكونى محضرة حوالى نص كوبايه شوربه بارده ومدوبه فيها من 4 الى 5 ملاعق دقيق بس كله يكون دايب
وايد بتقلب اللبن وايد بتصب الشوربه بالدقيق عشان مش يكلعكع
واول ما تاخدى القوام اللى عايزة توقفى وتطفى
وطبعا كل ما تقلبى اكتر .كل ما تاخدى بشاميل تقيل
وبعد ما يبرد تضيفى بيضين مربوبين عليه وتقلبى وبس .واوعى تضيفهم وهو سخن البيض هيستوى
طريقه سهله ومضمونه بصراحه .عملتها كام مرة بعد ما شوفتها من الست غاليه تححفه
مع انى كنت بشترى البشاميل جاهز
دعواتك انتى وكل الحبيبات
منقول
موضوع: طريقة البشاميل على البارد للست غالية